Adèlf Espanha

(1830-1899)

Nascut a Clarmont d'Erau lo 18 de Setembre de 1830 e mòrt a Montpelhièr (ont èra professor a la facultat de medecina) lo 7 d'Abriu de 1899 . Un dels fondadors de l'Escòla dau Paratge. E un dels primadièrs tanben de la Société pour l'Etude des Langues Romanes (fondada en 1869). Escriguèt dins la Revue des Langues Romanes e dins l'Armana Prouvençau, lo Felibritge Latin... Amb per escais lo nom deJaume de Lavernau

Aquí una epitàfia que tròbe dins "l'Armana prouvençau" de 1877 (p 107). Dins la vena dels epigrams latins o grècs coma los desgaunhèron a l'intrada dau sègle XIX Rigaud, Martin o Tandon:

Per la tomba del doctor Fava
mòrt a Montpelhièr comol d'ans e de bònas òbras.

A passat escur sus aquesta tèrra,
onte dels malauts èra lo solaç
se lo monde grand lo conoissiá pas
del paure totjorn sostèt la misèra.
Ara, es près de Dieus, e mon còr espèra
qu'es mai festejat amont qu'aiçabàs.

Mount-Pelié

Dins "l'Armanac mount-pelieirenc per l'Annada MDCCCC" , Ròcaferrièr (pp. 161-174) publica cinc tèxtes d'Espanha acompanhats d'una notícia biografica interessanta ont mòstra lo ròtle important que joguèt dins son cabinet medical de la plaça Nòstra Dama, per la renaissença romana e occitana.

Dins los "Contes populars dau Lengadòc" de Montel e Lambèrt s'atròba aqueste text popular reculit per Espanha.

La Domaisèla

I 'aviá una domaisèla qu'aviá una rauba d'esteriganha, un capèl de sucre e de solièrs de vèire. La rauba restèt emb una ronza, lo capèl se fondèt au sorelh, los solièrs se copèron en glissant sus la jalada e faguèron

Clic, clac,

Mon conte es acabat.

XXII. - La Demoiselle

Il v avait une fois une demoiselle qui avait une robe de toile d'araignée, un chapeau de sucre et des souliers de verre. La robe fut déchirée parles ronces, le chapeau se fondit an soleil, les souliers se cassèrent sur la glace en faisant: Clic, clac, Mon conte est achevé. Version recueille à Aspiran (Hérault), par M. le docteur Espagne.

Dins la "Revue des Langues Romanes" aqueste tèxt elegiac sus "Totsants" (172 kB en pdf) 

Retorn a l'ensenhador de la literatura montpelhieirenca d'òc
Retorn a l'ensenhador de la literatura dau sègle XIX
Retorn a l'ensenhador generau