Joan FORNEL

Nascut en 1865 a Montpelhièr ont defuntèt en 1941. Jornalista a l'Eclair, un dels fondadors en 1892 de la Campana de Magalona. President de l'Escòla dau Paratge (1910), creador dau musèu-fogau dau Paratge (1932) que se podiá veire antan carrièira de las Estubas e qu'es ara Plaça Petrarca. E Majorau dau felibritge en 1912. Escais-nom: Joan de l'Oliva.

Obras:

Avec ceux d'Argelliers (Mtp Ed Languedociennes, s.d.)

Lou Parage de Mountpeliè (1910)

Lo Mount dau Lum (1914): una delicada e deliciosa seguida de tablèus istorics que fan reviure "l'epopèa de la Matria", sa vila de Montpelhièr, que n'èra calugament enamorat, fins au misticisme. De tornar descobrir. Una pròsa madura,eleganta, expressiva, distinguida... Mai influenciada per los grands ancessors clapassièrs que per lo desolant "patoés de Santa Estèla" que fasiá flòri dins los armanacs dau temps...

Vetz aquí la critica sarrada que ne faguèt - a sa sortida - l'egrègi linguista Juli Ronjat. dins la Revue des Langues Romanes. L'escarraunha un pauc. Per la bòna causa...

Un interessant omenatge a Loïs-Xavièr de Ricard que Joan Fornèl coneguèt pro ben.

Retorn a l'ensenhador de la literatura montpelhieirenca d'òc
Retorn a l'ensenhador de la literatura dau sègle XX
Retorn a l'ensenhador generau