Air: "Le connais-tu, ma chère Eléonore?"
L'as
conogut, charmanta pastorèla
l'as conogut, lo pus doç dels pecats.
Tantòst voliás, puòi voliás pas, crudèla.
Quand as volgut, as volgut totescàs.
E ben, mon
còr, parla-me pecaireta!
Qué crenhissiás? qu'as esprovat d'afrós?
Las ròsas son totjorn sus ta boqueta
e ta beutat morís pas dels potons.
L'aucèl
que beu dins una fònt clareta
la trobla pas e pareis tot joiós;
un pauc de mèu culhit sus la floreta,
la passís pas e flata nòstre gost.
Somari de las òbras de Rigaud (Edicion de 1845)