3
Rojas son las flors de l'estiu crudèl
e a cima de l'uscle
es lo baujum
ont la vertat e la messòrga se brausisson
e nòstra carn es facha per la freg
es felena de l'auristre
fernís quand l'alisa lo glaç.
4
Montarem dins l'ivèrn
cap als sèrres inacabables
ont s'ennivolís tota espèra
ont los rajals son assecats
coma nòstra sentida
quand tròp aurotge es lo silenci dels pendisses
riu d'antic sòmi e de drilhança
l'aubralha es rufa als orizonts de
guèrp
ont sorelhan la paur e l'oblidança
e la carn es leugièira e sens espèr
ras dau nonrés esbarlugant que dança.
5
Arre coma los còrs boscant l'espèr
es lo combal, conca silenta
per lo qu'es desmamat de tota espèra
als amondauts treslusents
los potons de l'amor i son de flors limpiosas
6
Lo sendarèl lugarnejant dels ancians sòmis
borrilh de lana als vents de l'oblidança
quand la freg de l'auton càmbia la lutz en mèu
e que tota ombra s'arredonís e ven suaudeta
los aucèls volastrejan a ras de las cimas de las matas
boscant lo lacolet dels ruscles agostencs
7
En pantais campejave los nauts cingles
ont clantís la musica de l'esfrai
e ont l'èsser se nèga dins la lutz.
quand l'existir dins l'enrocada
dissòuv sa transparéncia
la verticalitat de la lutz es certesa
l'autiva escandilhada dels embauces
ont la vida en grand set se resclausís
e ont los endemans de nivolina
s'esbevon dins lo cèl desmemoriat.
Miegjorn subran desplèga
Un solòmi de lutz taisuda
A l'auçada dels raives dau rocam
8
lausasses liscs
coma l'enanar fèr de las annadas
baucas
ont lo sòmi s'estaloira
eisseca coma nòstres còrs es la ribieirassa
s'acamina dins l'uscle sobeiran
jot la rusca es la certesa
la saba espessa
e la beutat de Dieu çai fai porrada
miegjorn lençòl d'esbleugiment
apodessa son silenci
9
Tantossada tota en fremins de lusidas
dins la ramilha esbrilhaudanta
espessa es la preséncia dau garric
plonjant son racinum
dins los secrèts etèrnes
L'aigardent de set crudèla
Rusca silenta escrinh d'abséncia
ont lo mistèri prestís son enlusida
e puòi s'enaira Junh
e las flors se passisson
la lutz de l'estiu es lo sorire de la mòrt peleta
que nos grasilha dins son baujum
10
tota vida fuòc e secum
emmoninament d'inestorribla set
siás tu la tremor saura dels embauces
quand miegjorn trai son regiscle de lutz
despenchenant lo ronfle de l'oblit
lo temps crudèl de las roèlas dins lo caumanhàs
desplèga l'escura furor de sa verdolença
tras l'enfugida rabiosa de las sasons
11
L'auton endaura l'oblidança
Encana la delícia
A plec de calabruns
La cançon aspra de l'abséncia
E lo saume dau bèl oblit
Lo dire dels meuves sus la sèrra
Quora l'aurassa n'entrevesca los cims
Abraçada ferotja que se perlonga
Coma lo mai abramat dels potons
Bèu solòmi de rusca afestolida
Majestat reguèrga e fregadissa
12
Divessas dau baujum dels acrinals
esfolissadas crudèlas quand dançatz
coma de fuòc
a la cima de las sèrras ennevadas.
cap a la pus aigalosa drilhança
los caminòls son fugidisses
e la vida i rajòla serpentina
somiant de las flors mòrtas dau desir
13
Nèbla dins la comba prigonda
grèva dels maus dels ancessors
l'estelam dardalha son verin
que se mèscla au virolhon de las sabas
fins als acrins blavencs coma de
sòmis
quand l'auton fai grelhar sos calabruns
gèmmas de pura delícia
dins lo silenci de las eusièiras
Sus de pendisses d'auta set e de
cridèsta
laisse la fernison dau silenci
m'embeure coma una aiga linda
e traire sus la glòria dels pendisses
sa lanha sorelhosa e sens escapa.
14
Fins als acrins mon pensar que s'alarga
coma un aucèl dralhant sa cintra autiva
beu l'amaror dau temps que s'esvalís.
lo rocam escrincèla sa saviesa
a ras dels sovenirs desmemoriats
e son aspror s'embuga de clarum
La fautèrna e la sàuvia dins la
lutz
Cantan dins l'èr ausent
En paraulas de bèu silenci
15
Linja en la lutz dau matin
La felena de l'aubeta
de l'ascla tosca dau ròc
s'enaira per saludar l'auton
dòna de nèbla e de mistèri
dançant sus la mofa aigalosa
e los feuses enamorats
fernisson suaudament
per saludar son doç reinatge
16
dins la bruga crudèla
ont lo romanís espandís son embriaguesa
son desir bategant coma una flor de carn
- carreja lo trespàs dins sas mans jonchas
preiressa dels dieus esvalits
flor de secum
ras dels ailamondauts dau sòmi
bèla sèrp endormida
a l'asard dels camins
17
Faissas d'enlusiment
dins las arpas verdas de la màger lutz
bancaus estrifaires de drilhança
quand Mai fai cantar sas airetas
per los camins ont tidola lo sarralhièr
gandissèm als nauts esperencs de la set
sus d'orizonts d'escura chavana
garric
siás las sabas fonzas
nosant son ira
dins la seguresa de son gisclar pausadís
ta preséncia s'inscriu dins lo tempèri
en letras de brancum
|
3
Rouges sont les fleurs de l'été cruel
et à la pointe de la brûlure
il y a la folie
en qui se racornissent la vérité et le mensonge
et notre chair est conçue pour le froid
elle est petite fille de l'orage
elle frémit à la caresse de la glace
4
Nous monterons dans l'hiver
jusqu'aux cimes illimitées
où s'ennuage toute attente
où les torrents sont asséchés
comme ce que nous ressentons
quand trop farouche est le silence des versants
rivière d'antique songe et de volupté
la futaie est rudesse aux
horizons du froid
où sont tels des soleils et la peur et l'oubli
et la chair est légère et dépourvue d'espoir
tout contre ce néant en transe éblouissante
5
Aride tels les cœurs cherchant l'espoir
est le vallon, bassin clos de silence
pour celui qui est sevré de toute attente
aux étincelantes altitudes
les baisers de l'amour lui sont des fleurs glissantes
6
Le layon scintillant des anciens songes
flocon de laine aux vents oublieux
quand le froid de l'automne transmue en miel la lumière
et toute ombre se fait arrondie et bien douce
aux faîtes des taillis volettent les oiseaux
en quête du point d'eau des embrasements d'août
7
En rêve j'arpentais les corniches extrêmes
où résonne la musique de l'effroi
et où l'être se noie dans la luminosité.
quand l'existence dans la
minéralité
dissout sa transparence
la verticalité de la lumière est certitude
la hautaine luminance des
précipices
où la vie en grand' soif s'enclôt
et où les lendemains de brume légère
s'abstraient dans le ciel sans mémoire.
Midi soudain déploie
une mélopée de muette lumière
à la hauteur des rêves du minéral
8
lisses dalles rocheuses
comme l'avancement sauvage des années
champs de graminées
où le songe s'étend de son long
comme nos cœurs desséché est le fleuve
il s'achemine en la brûlure souveraine
sous l'écorce est la certitude
la sève épaisse
et la beauté de Dieu ici fait ses merveilles
midi drapé d'éblouissement
appuie la pesanteur de son silence
9
Après-midi tout en frémissement de lueurs
dans les éblouissants branchages
épaisse est la présence du chêne
qui plonge ses racines
dans les secrets éternels
La liqueur de cruelle soif
silencieuse écorce, écrin d'absence
où le mystère insère son rayonnement
alors se dresse Juin
et les fleurs se flétrissent
la lumière de l'été est le sourire de l'ultime faucheuse
qui nous torréfie dans sa démence
10
toute vie feu et dessèchement
griserie d'inextinguible soif
tu es le tremblement blondoyant des falaises
quand midi projette l'éclaboussure de sa lumière
décoiffant les rafales de l'oubli
le temps cruel des coquelicots dans la canicule
déploie l'obscure fureur de son verdoiement
par delà la fuite enragée des saisons
11
L'automne change en ors l'oubli
entonne le chant du délice
dans la longueur des crépuscules
la chanson âpre de l'absence
et le psaume du bel oubli
Le dire des mélèzes sur la
montagne
lorsque le grand vent en entrecroise les faîtes
farouche accolade qui se prolonge
comme le plus glouton des baisers
belle hymne de l'écorce réjouie
majesté hautaine et caressante
12
Divinités de la folie des cimes
échevelées, cruelles, alors que vous dansez
semblables à la flamme
sur les sommets enneigés des montagnes.
vers la plus ruisselante
volupté
les raidillons sont fuyants
là-bas la vie cascade serpentine
en rêvant des fleurs mortes du désir
13
Brume dans la combe profonde
Appesantie par les maux des anciens
Le firmament rayonne son venin
qui se mêle au tournoiement des sèves
jusqu'aux crêtes bleutées
comme des songes
lorsque l'automne éclot ses crépuscules
gemmes de pur délice
dans le silence des taillis de chênes verts
Sur des versants de haute soif
et de criaillerie
Je laisse le frémissement du silence
m'imbiber comme une eau limpide
et jeter sus la gloire des versants
son spleen ensoleillé et sans issue.
14
Ma pensée aventurée jusqu'aux
lignes de crête
telle un oiseau traçant sa trajectoire hautaine
boit l'amertume du temps qui s'évanouit
le rocher sculpte sa sagesse
au ras des souvenirs échappés à la mémoire
et son âpreté s'imbibe de clarté
L'aristoloche et la sauge dans
la lumière
Chantent dans l'air réceptif aux sons
En paroles de beau silence
15
Svelte dans la lumière du matin
la petite fille du point du jour
de la fissure moite du rocher
s'élève pour saluer l'automne
dame de brume et de mystère
dansant sur la mousse détrempée
et les fougères enamourées
esquissent un frémissent suave
pour saluer son doux règne
16
dans la bruyère cruelle
où le romarin étend son ivresse
son désir palpitant comme une fleur de chair
- elle véhicule le trépas dans ses mains jointes
prêtresse des dieux disparus
fleur de siccité
en lisière des hauteurs du songe
belle serpente endormie
dans le hasard des chemins
17
gradins d'illumination
aux vertes griffes de la plus grande lumière
étagements déchireurs d'orgie
quand Mai fait de ses brises des musiques
par les chemins où chante en trilles la mésange
nous accédons aux hauts affûts de la soif
sur des horizons d'obscure intempérie
chêne
tu es les profondes sèves
qui nouent leur colère
dans la certitude de leur jaillissement
ta présence s'inscrit à l'intérieur de l'orage
en lettres de branchage
|
