Guilhèm Figuèira. Per los occitans de ma generacion, es la vòtz de Glaudi Martí sus fons de Guitarra: "sirventés farai, del biais que m'agença"... La version èra estada adaptada per Leon Còrdas. Era un cant de revòlta contra la crosada albigesa que s'apariava amb lo combat occitanista d'alavetz. Los trobadors èran una bandièira auborada per los que volián reconquistar sa dignitat.
En tornant au personatge, descobrissèm un aventurièr misteriós e un pauc inquietant, un revoltat que nos anóncia Despuech-Sage. E mai que mai una figura plena de vida que nos captiva au travèrs dels sègles.
Sabèm pas se siaguèt a Montpelhièr. A pogut èsser dins la cort de Jacme I° au moment de la conquista de Valéncia, mas aquò's mausegur. Son sirventés contra Roma es estat pro conegut en Occitania, e la trobairitz Montpelhieirenca Na Gormonda i respondèt dins d'estròfas vigorosas, mas mens poderosas de tot segur que las sieunas...
La "vida" medievala: un marginal refugiat en Italia, ont frequenta "arlòts, putans e tavernièrs" e fugís los "bòns òmes de cort"...
Guillems Figueira si fo de Tolosa, fils d'un sartor, & el fo sartres. E quant li frances agron Tolosa, el s'en venc en Lombardia. E saup ben trobar e cantar, e fez se joglar entre los ciutadans. Non fo hom ques saubes cabir entrels baros ni entre la bona gen ; mas mout se fetz grazir als arlotz & als putans & als hostes & als taverniers. E s'el vezia bon home de cort venir lai on el estava, el n'era tristz e dolens ; & ades se percassava de lui abaissar e de levar los arlotz. (Chabanneau in Hist Gén Languedoc, tòm X, 1885; p 283. (mss BIK).)
Lo personatge segon C. Chabanneau : "doctor"? "maudisent, pauc recomendable..."
Pas grand causa a sa plaça alfabetica... trobam pas qu'aquò:
(Chabanneau in Hist Gén Languedoc, tòm X, 1885; p 356). GUILHEM FIGUEIRA de Toulouse, 1215-1250. Huit pièces lyriques(1).
Mas ne'n ditz fòrça mai en nòta:
(1) Trois (des huit pièces lyriques) sont des tensons qui nous montrent, vivant en Italie, dans la société de Guilhem Figueira, outre Augier, Bertrand d'Aurel, Lambert (voir ces noms) & même Aimeric de Peguilhan, qui vint, sur ses vieux jours, s'y compromettre, d'autres personnages peu recommandables & probablement jongleurs comme les précédents, qui avaient peut-être aussi leur rôle dans quelqu'une des tensons dont il s'agit car on peut supposer que l'une d'elles au moins nous est parvenue incomplète. Voici leurs noms (ou sobriquets) par ordre alphabétique:
Amador
Budel
Complit Flor
Guilhem dels Dos Fraires, qualifié de "Magistre d'En
Sordel". Peut-être le même que le suivant.
Guilhem Testapelada
Jacopi
Joanet (ms çoanet) lo menor,
qui avait peut-être reçu ce surnom pour être distingué de (Joan) d'Aubusson,
lequel vivait en Italie, vers le même temps, à moins que ce ne soit ce dernier
qu'on eût ainsi désigné. Voyez E. Lévy, Guilhem Figueira. pp 55-58
N'aprenèm un pauc mai amb Barbieri (citat per Chabanneau, op cit, en nòta)
"Guilem Figera, che fu Dottore, scrittore de serventesi e maldicente". Ce "dottore", trait qui manque dans les copies que nous possédons aujourd'hui de la biographie de Figueira, & que Barbieri avait trouvé sans doute dans ses mss, justifierait Nostredame d'avoir écrit que "son père le feist estudier aux bonnes lettres"
D'autres mistèris. Era a la conquista de Valéncia en 1238? Sa "vida" ne ditz pas res. Per Carles de Tortolon, se poiriá que Guilhèm Figuèira siá estat als costats de Jacme I° d'Aragon quora, amb sos montpelheirencs e sos barcelonins, conquistèt lo reiaume de Valéncia (1238). De documents nos mòstran que lo conquistaire baila de tèrras e d'ostaus a l'ocasion de la presa dau reiaume als Sarrasins a un nommat Guilhèm Montanhagòl e a un nommat Guilhèm Figuèira. Los personatges son pro diferents mas de tot segur partejavan las meteissas opinions patrioticas a aquel moment.
Quauques autres ligams...
Dins lo contèxt dau catarisme (amb una traduccion parciala dau sirventés)
http://www.anneazema.com/cd/Provence-Mystique.htm
Lo Frugz De Saber: Dels Quatre Caps Que A La Cos - Anne Azema/Margriet Tindemans
8. Roma Trichairitz: D'un Sirventes Far - Anne Azema/Shira Kammen
Los trobadors e la corona d'Aragon (Bull del Rialc)